Алергии од полен – Мака на третина од населението

Многу е важно да не се игнорира потребата од консултација со стручни лица, особено кога станува збор за деца алергични на полен

Пролетта носи уживање за многу луѓе кои со задоволство ги исполнуваат белите дробови со пријатниот мирис на расцутената природа, но не и за околу третина од граѓаните на кои почетокот на пролетта им создава нервоза, бидејќи пристигнуваат и сезонските алергии, најчесто предизвикани од поленовиот прав.

Со секоја измината година,                                                                         бројот на засегнатите алергични на полен се зголемува. Иритирачките                                                            симптоми како кивање, растечен нос и насолзени очи кај некои се                                                                             лесни и подносливи, а кај други влијаат на квалитетот на животот.                                                                              Сепак, во ретки случаи може да доведат до астматична реакција.                                                                   Затоа, многу е важно да не се игнорира потребата од консултација                                                                    со стручни лица, особено кога станува збор за деца алергични на полен.

Што е алергија?

Алергија е преосетливост                                                                          на некои супстанции кои ги вдишуваме, доаѓаме во контакт со нив                                                                            или ги внесува ме преку храна, додека алергиската реакција е одговор на имуниот систем на организмот кон внесените алергиски супстанции. По контактот со тие супстанции доаѓа до реакција помеѓу туѓите тела – алергените и сопствените тела – антитела.

– Антителата кои се одговорни за настанување на алергиските реакции припаѓаат на групата на имуноглобулини Е (ИгЕ). Кога тие ќе се врзат за мастоцитите се ослободува хистамин кој доведува до зголемена циркулација и ширење на крвните садови, контракција на мазната мускулатура и појава на симптомите.